Os obradoiros programados pola biblioteca municipal na sala infantil durante este mes de marzo acadaron todos os obxectivos marcados, por canto houbo unha gran participación de nenos e nenas e incluso nalgúns obradoiros superáronse o número de prazas previstas.
Ademáis dos obradoiros que tiveron lugar na sala infantil da biblioteca, tamén hai que resaltar a presentación nos colexios públicos do Carballiño do contacontos e mascota da sección infantil da biblioteca, o Polbiño Martiño.
Para o próximo mes de abril a biblioteca ten programadas cinco actividades, catro na sección infantil/xuvenil e outra dirixida a persoas maiores de 16 anos que terá lugar na aula CEMIT no concello.
Esta última actividade consiste la realización dun curso de mecanografía asistida por ordenador, que se celebrará do 1 ao 13 de abril, en horario de 12,00 a 12,45 h., na aula CEMIT do concello.
Os obradoiros na sección infantil da biblioteca desenvolveranse os días 15, 16, 17 e 23 de abril, e son:
-LUNS 15 DE ABRIL CONTACONTOS PARA NENOS E NENAS DE 3 A 6 ANOS. HORARIO: DE 11,00 A 12,00 H.
-MARTES 16 ABRIL OBRADOIRO DE RIMAS E ADIVIÑAS. ÀRA NENOS E NENAS DE 6 A 12 ANOS. HORARIO: DE 11,00 A 12,00 H.
-MÉRCORES 17 ABRIL. OBRADOIRO DE XOGOS PARA NENOS E NENAS DE 4 A 10 ANOS. HORARIOS: DE 11,00 A 12,00 H.
-MARTES DIA 23 ABRIL. DIA DO LIBRO – GINKANA INFANTIL, PARA NENOS E NENAS DE 6 A 12 ANOS. HORARIO: DE 18,00 A 19,00 H.
Para todas as actividades hai que inscribirse na Biblioteca Pública Municipal, no email biblioteca@carballino.gal ou no Facebook da biblioteca pública municipal.
Para a inscrición no curso de mecanografía pode chamarse ao telf. 607062626/669645044 ou email biblioteca@carballino.gal ou Facebook da bilioteca pública municipal.
