Na tarde de onte levouse a cabo unha nova actividade medioambiental de carácter lúdico-educativa enfocada aos máis cativos e ao público en xeral. Foi unha iniciativa máis da Concellería de Medio Ambiente do Concello do Carballiño para achegar á cidadanía a necesidade de proseguir coa política de reciclaxe do lixo e a salvagarda das normas de limpeza nos eswpazos públicos.
Desde esta área realízanse continuas actividades de concienciación periódicas enfocadas á reflexiòn sobre a reducción, reutilización e reciclaxe do lixo que cada persoa xera. Así como o incentivo de respectar as normas cívicas e de limpieza para unha mellora da imaxe do noso entorno e unha convivencia cordial e respetuosa nun entorno agradable.
As actividades leváronse a cabo na Praza Maior e entre elas realizáronse escenificacións teatralizadas de circunstancias do día a día de todos nós que xeran problemas para o noso entorno ambiental e como evitalas aportando cada persoa o seu grao de area.
Outras trataban do plantexamento de preguntas aos asistentes que agochaban ensinanzas de reciclaxe, cunha ruleta que repartía pequenos agasallos, xogos participativos de pesca de residuos e ubicación correcta dos mesmos con premios para os participantes, e mesmo grabación de mensaxes a prol do coidado do pobo e o bo uso dos contedores.
E todo isto nun ambiente de ocio e xogos enfocado a un xeito de convivencia respectuosa e sostible, no que tamén se animaba a reutilizar e dar unha segunda vida útil ás cousas e a un consumo responsable e sostible.
Durante toda a xornada contouse cunha notable asistencia de público e cunha gran participación.
Está proxectado seguir con este tipo de iniciativas que nos permitan traballar a todos por un Carballiño limpo e sostible.
