A concellería de Seguridade comezou estes días un programa de pintado dos pasos de peóns. Aproveitando o bo tempo, e tendo en conta o trasego da zona da Alameda, na que a cotío transitan nenos e maiores, polo parque infantil, o colexio Sagrado Corazón e diversas entidades bancarias, creáronse novos pasos de peóns na rúa Norte e Alameda.
O traballo está sendo realizado pola brigada municipal de obras, e nos próximos días continuarán o seu labor noutras rúas e avenidas da vila.
O concelleiro de Seguridade e Servizos Públicos, Adolfo Nogueira, supervisou esta mañá a marcha do pintado, asegurando que a zona da Alameda era prioritaria no tocante á seguridade vial, pois era moi frecuentada por nenos, familias e persoas maiores, e de aí a necesidade de incrementar os pasos de peóns e de que estes estivesen ben sinalizados.
