A Confederación Hidrográfica do Miño-Sil comezou a limpeza dos cauces do río Carrás e do Arenteiro ao seu paso pola vila do Carballiño. É o primeiro proxecto de colaboración, dos tres previstos, entre o concello e o organismo xestor da cunca do Miño-Sil para limpar estes cauces, así como para acondicionar o sendeiro do Arenteiro e rehabilitar o lavadoiro de Toscaña.
A retirada de troncos e ramaxe do río Carrás comezou polas inmediacións do centro de saúde e prolongarase ata a ponte da estrada de Ribadavia. Neste tramo tamén se leva a cabo o desbroce e limpeza das ribeiras do regato.
A partir do mércores, procederase á retirada de troncos, ramaxe e árbores secas do cauce do río Arenteiro dende a Ponte de Veiga ata o Museo Etnográfico do Arenteiro.
Posteriormente, a Confederación procederá ao acondicionamento do sendeiro do Arenteiro por ambas marxes do río. Este proxecto consistirá na recuperación dalgúns tramos do sendeiro que quedaron están soterrados e invadidos por maleza.
Finalmente, o último proxecto consistirá na rehabilitación do antigo lavadoiro de Toscaña, cuxo tellado atópase en malas condicións, correndo incluso o risco de derrube.
