A consellería de Educación, Universidade e Formación Profesional ven de remitir ao concello do Carballiño o proxecto de rehabilitación do CEIP da Uceira, no que investirá 872.816,74 euros, que é a cantidade que se corresponde co orzamento do proxecto, e que sufragará íntegramente este departamento da Xunta de Galicia.
A reforma consiste na substitución da cuberta e mellor illamento do forxado, mellora do illamento térmico da fachada, substitución das fiestras sen vidrio nin illante por outras con rotura de ponte térmico e illamento, mellora do illamento e modificiación das caixas interiores das persianas, substitución das luces por outras led, colocar falsos teitos nas aulas e nos espazos comúns baixándoos todo o posible, susbtitución das tuberías de ferro por outras de cobre nos baños, substitución das portas de acceso ás aulas na planta baixa e na zona antiga do centro, e pulido e abrillantado do pavimento do terrazo existente.
Xunto coa remisión do proxecto, a consellería solicita a concesión da licencia de obras correspondente co obxectivo de poder licitar e adxudicar canto antes esta reforma do colexio público da Uceira.
