O Carballiño, xunto con Madrid, son as únicas sedes da primeira fase da Copa de España de Patinaxe Feestyle, que se celebra esta fin de semana na vila do Arenteiro e que foi presentada esta mañá polo alcalde, Francisco Fumega, e o presidente do Club AEHDE, Uxío Álvarez. A competición correspondente á sede madrileña terá lugar o 27 e 28 de xuño.
A cita do Carballiño será o sábado e o domingo, 6 e 7 d abril, e congregará no pavillón de deportes Paco Chao aos mellores patinadores e patinadoras nacionais pertencentes a 15 clubes de 11 comunidades autónomas. En total, a esta competición acudirán 133 deportistas, que foron os que pasaron o corte.
Como aliciente destas xornadas deportivas do Carballiño, confírmase a presencia da campiona do mundo de salto, o moañesa Marina Oliveiras.
Arredor de 500 persoas asistirán ao evento, e unas 300 pernoctarán o sábado nos hoteis da vila, co que se garante unha gran ocupación hoteleira durante esta fin de semana, según confirmou o presidente do Club AEHDE, organizador desta fase.
Uxío Álvarez amosouse orgulloso e agradecido por que O Carballiño sexa a primeira sede de Galicia na que se celebra unha proba de rango nacional, o que da conta da evolución do patinaxe carballiñés e da estrutura do Club AEHDE. Ao respecto, asegurou que cando lle presentaron o proxecto á Federación Española recibiu de inmediato os parabéns, moi por riba doutras propostas efectuadas por cidades.
Destacou, asi mesmo, o apoio do concello e das e dos deportistas e familiares integrados no club, e que sen eles non sería posible organizar un evento de tal envergadura e prestixio. Tamén agradeceu a colaboración das institucións e empresas patrocinadoras, asi como da Escola Municipal de Danza, que vai a realizar dúas exhibición ao remate da xornada do sábado e do domingo.
Francisco Fumega recalcou a importancia para O Carballiño desta cita deportiva de rango nacional que, ademáis de dinamizar o sector hoteleiro e a hostalería durante a fin de semana, supoñía unha excelente promoción turística. Por eso felicitou ao club AEHDE e, especialmente, ao seu presidente.
A competición comezará o sábado ás 09,00 h., e prolongarase ata as 18,00 h. E o domingo desenvolverase entre as 09,00 e as 14,30 h.
O club organizador remitiu a todos os clubes participantes unha ampla información sobre hoteis, restauración e recursos turísticos do Carballiño co obxectivo de que os visitantes poidan ter a mellor referencia sobre a vila.
Algúns hoteis teñen prácticamente reservadas a totalidade das prazas e tamén teñen plena ocupación os bungalows do camping municipal.
