A IX Gala do Deporte, que estaba prevista para o 21 de xuño, adiántase para o venres 14 de xuño, tal e como se acordou na reunión celebrada onte á tarde no concello coas entidades deportivas da vila.
Nesta reunión díronse a coñecer as propostas que xa foron presentadas sobre posibles galardóns, e comunícase que as persoas ou entidades que queiran seguir realizando propostas poderán facelo ata este xoves, 16 de maio, na área de Deportes do concello.
Na próxima reunión cos colectivos deportivos, que terá lugar o martes 21 de maio ás 20,30 h., no salón de plenos do concello, ultimaranse os galardóns desta edición da Gala do Deporte, que se celebrará no auditorio municipal o venres 14 de xuño ás 20,30 h.
