A oficina municipal de Turismo permanecerá aberta ao público durante a Semana Santa. En horario de 10,00 a 14,00 h., e 16,00 a 20,00 h., de xoves a sábado, e de 10,00 a 14,00 h., o domingo, a oficina estará aberta para facilitar aos visitantes canta información precisen sobre actos e actividades de ocio e lecer, así como dos balnearios, hoteis e restaurantes.
Así mesmo, están programadas diversas visitas e rutas guiadas, que partirán da oficina de turismo:
- ROTEIRO PARQUE MUNICIPAL E GRAN BALNEARIO.
Xoves, 29 de marzo. Hora: 17:15 h. Duración: 1.30 h. Inclúe a visita ao Parque Municipal e ao Gran Balneario.
- ANDAINA ROTEIRO DOS ARRIEIROS.
Venres, 30 de marzo. Hora: 17:00 h. Data límite para anotarse 14:00 h (mínimo 5 persoas). Distancia: 9 Km. Dificultade: Media-Baixa.
- PERCORRIDO POLA VILA.
Sábado, 31 de marzo. Hora: 12:00 h. Duración: 1.30 h. Percorrido: Praza Maior, Rúa Principal, Barrio de Flores, Alameda, Templo da Veracruz.
Os balnearios e hoteis tamén ofertan servizos e estancias durante os días festivos desta Semana Santa. A ampla variedade tanto de servizos termais coma de aloxamento e manutención, pode consultarse nas páxinas web do Balneario das Caldas de Partovia e Gran Balneario, así como nos hoteis, que ofertan uns prezos moi competitivos para atraer aos visitantes durante estas vacacións.
