Comezaron estes días as obras do proxecto de acondicionamento da zona de xogos infantís da Alameda. Consiste nun mellor aproveitamento do espazo, o traslado da oficina de turismo, unha zona que irá cuberta e un novo equipamento de xogos e mobiliario. Ainda así, manteranse todas as árbores que hai na actualidade.
O proxecto, que se realiza en dúas fases, xa que se están intentando compaxinar as obras co mantemento duhna parte dos xogos, ten un prazo de execución de tres meses e o seu custo global é de 170.000 euros.
A primeira fase céntrase fundamentalmente no cambio do pavimento, no traslado da oficina de turismo cara ao xardinciño e na substitución das pirámides-lucernarios do aparcamento soterrado por outras solución arquitectónicas, entre outras reformas. O custo desta fase, que é a que se executa na actualidade, é de 40.000 euros.
Na segunda fase, que se licitará de inmediato e comezará ao remate da primeira fase, instalaranse os novos xogos, que irán distribuidos en dúas áreas; nunha, a máis próxima á cancha de futbol, levará unha cuberta metálica de deseño para dar sombra no verán, e a outra estará ocupada na súa totalidade por un conxunto de xogos con diversos elementos ensamblados.
Desde o concello pídense disculpas polas molestias que poden ocasionar estas obras, pero que son absolutamente necesarias para proceder á reforma deste parque infantil que ampliará o espazo útil e mellorará significativamente os xogos infantís.
