A primeira ruta das tapas deste ano 2020 rende homenaxe ao mundo do cine coa elaboración de pinchos baseados en tiítulos de películas. O evento, que terá lugar este venres, 10 de xaneiro, e o seguinte, 17 de xaneiro, foi presentado este mediodía polo concelleiro de Turismo, Manuel Dacal; a xerente do Centro Comercial Aberto, Noelia Mares, e representantes dos establecementos de hostalería integrados nesta iniciativa.
Películas como Blade Runner, Pulp Fiction, Titanic, La dama y el vagabundo ou La fiesta de las salchichas, entre outras, teñen a súa correspondencia gastronómica nesta ruta que, ademáis, sorteará unha viaxe de fin de semana para dúas persoas nun hotel spa de Sanxenxo.
Manuel Dacal destacou a imaxinación das propostas culinarias que elevan en cada xornada o prestixio desta iniciativa, e que contribúe a dinamizar as tardes dos venres no sector hostaleiro e, en xenral, ao Carballiño. Destacou asímesmo o sorteo dunha viaxe de fin de semana para dúas persoas nun hotel spa de Sanxenxo, o cal lle engade interese á iniciativa. E agradeceu a colaboración de Pazo Tizón, do CCA e dos dazaséis locais hostaleiros integrados nesta ruta.
Noelia Mares recordou que estamos en tempo de grandes citas cinematográficas mundiais e nacionais, e que, polo tanto, a idea de dedicar esta ruta ao mundo do cine resulta máis que oportuna. Tamén se referiu a App “quedamosdetapas” onde se poden ver as diferentes propostas dos dazaséis locais da ruta, e animou a participar e saborear as tapas.
Finalmente, Marta, en nome dos hostaleiros, animou á veciñanza a percorrer os locais e degustar as súas tapas.
