O concello do Carballiño mantén aberto o prazo de renovación das autorizacións de venda ambulante os dia de feira. Este prazo comezou o día 30 de xaneiro e rematará o 20 de marzo. O período de pago será do 2 de maio ao 3 de xuño.
A renovación destas licenzas é indispensable para poder seguir ocupando os postos na feira, e que en caso contrario conlevará a perda da autorización.
A través dun Bando Municipal lémbrase que non se concederán autorizacións nin cambios de titularidade aos titulares dos postos que teñan débedas dos exercicios anteriores por venda ambulante.
Así mesmo, deberanse cumprir os seguintes requisitos, entre outros: Estar dado de alta no réxime correspondente da Seguridade Social e, no seu caso, no imposto de actividades económicas; cumprir os requisitos das reglamentacións de cada tipo de productos; certificado acreditativo de recibir formación en materia de manipulación de alimentos; dispor dos permisos de residencia e traballo que, en cada caso, foran esixibles, si se tratara de persoas extranxeiras.
A documentación a chegar xunto coa solicitude presentaranse no Rexistro xeral do concello.
Nas feiras do Carballiño, que se celebran cada 16 e 31 ou 30 de cada mes, agás que sexan domingos ou festivos, en cuxo caso teñen lugar ná víspera, instálanse algo máis de 150 postos de venda ambulante, cuxos titulares están obrigados a solicitar a renovación das autorizacións para poder manter os postos ao longo deste exercicio de 2018.
