A última sesión do ciclo de obradoiros sobre prevención de enfermedades e factores de risco cardiovascular, que se veu celebrando os venres deste mes de xuño coa organización do centro de saúde e a colaboración do concello do Carballiño, puxo de manifesto a importancia da súa continuidade en vindeiras edicións.
A clausura levouse a cabo esta mañá no salón de plenos do concello, coa asistencia da concelleira de Servizos Sociais e Sanidade, Marina Ortega; a subdirectora de Procesos de Enfermeria, María Dolores Sánchez; o Xefe de Servizo do centro de saúde, Antonio Padrón; Miriam Cedrón e Karin (Residentes de EFeC), as enfermeiras Verónica e Beatriz, e Alba (Residente de Mediciña Familiar e Comunitaria).
Marina Ortega agradeceu o traballo desenvolvido polo persoal do centro de saúde, destacando a súa alta cualificación e implicación no curso, asi como o servizo que presta a sanidade publica, e sobre todo agradeceu a gran participación de veciños e veciñas.
Nos mesmos termos pronunciouse o director do centro de saude, Antonio Padrón, felicitando ás enfermeiras pola ilusión posta neste programa, e insistiu en que a mellor prevención é o exercicio, polo que había que poñer en práctica os coñecementos adquiridos polas máis de corenta persoas participantes.
Finalmente, María Dolores Sánchez, amosou o seu agradecemento ao concello a á concelleira de Sanidade pola colaboración, así como ao equipo do centro de saúde, e abogou pola continuidade desta experiencia. Ao respecto, dixo que o papel das enfermeiras e enfermeiros era non só prestar o servizo asistencial, senón tamén relacionarse coa comunidade, e aí a importancia do obradoiro.
A continuación do acto tivo lugar unha sesión de zumba na Praza Maior e unha andaina polo sendeiro do Arenteiro.
Aos participantes fixoselles entrega dunha mochila con diversos roteiros saudables polo Carballiño e outro tipo de obxectos.
