A Escola-Taller “Carbosan” prosigue as clases prácticas dos seus alumnos de cantería e albanelería traballando a reo na rehabilitación da fábrica de papel da Lavandeira. O proxecto que desenvolven consiste na construcción dun edificio para albergar a recepción, administración e aseos do futuro museo, pero tamén na rehabilitación do exterior, onde vai o engranaxe para transformar os tecidos en pasta de papel.
Precisamente, este último labor está permitindo recuperar algunhas pezas de pedra orixinais que estaban ocultas baixo a terra, e que son parte deste engranaxe do proceso industrial da fabricación de papel no século XIX.
Se ben as cinco norias e mazas que van nos arcos da canle de auga serán encargadas a unha carpintería especializada, unha parte do labor de cantería o realizará a escola taller aproveitando as pezas atopadas.
Con respecto á construcción do novo edificio administrativo e de recepción do futuro museo, a escola taller precede estes días a realizar as canalizacións e conexións coa rede de abastecemento e saneamento, que van ao outro lado da ponte polo sendeiro do Arenteiro.
Asi mesmo, nos próximos días comezará a traballar no entorno do parque da Lavandeira unha brigada de peóns forestais, que acondicionarán o espazo natural do conxunto, entre outros cometidos de limpeza do patrimonio natural do Carballiño, como é o parque municipal, de xeito que poda ofrecer a mellor imaxe posible durante a Semana Santa.
A previsión é que para esas datas estea xa rematado o paseo que vai paralelo á canle dos arcos, e no que se colocarán uns paneis explicativos do proceso de fabricación do papel, así como da restauración de todo o conxunto etnográfico industrial, que será un modelo único en Galicia.
