As pulpeiras e pulpeiros do Carballiño marcaranse mañá, martes, 7 de agosto, o reto de superar o récord do pasado ano e cortar os 400 kg de pulpo que leva a tapa xigante en dez minutos. Nesta edición da Festa do Pulpo, o prato mantén as medidas do pasado ano, 5,35 m de diámetro, xa que ninguén superou ainda este récord, e por iso o reto será cubrilo con talladas de pulpo en menos tempo do pasado ano, que foi de 10,58 mn.
Unha vez cortado e aderezado con sal gorda, aceite e pementón, sairán unas 1.200 racións, aproximadamente.
Así mesmo, servirase como postre un trozo da reproducción do concello do Carballiño, elaborada polo pasteleiro José Manuel de la Iglesia, da Confitería Royal, para a que empregou 180 kg de chocolate negro e branco.
Por outra parte, quedou ultimada a nova decoración da casa consistorial carballiñesa para a Festa do Pulpo, consistente en tres grandes rabos de pulpo, que semellan saír do interior do concello a través dunha fiestra e o balcón, que foron instalados co patrocinio da empresa Carpas Ourense e do propio concello do Carballiño.
