Por terceiro ano consecutivo, o cartel das Xociviga foi elaborado polo deseñador carballiñés Suso Obenza. Nesta edición do festival, que acada o número 35, o autor rende homenaxe ao Carballiño e ao cine a través de tres símbolos. O motivo central da obra é unha folla de carballo pola que asoma medio iris, e un anaco de película de celuloide: unha tríada simbólica da maridaxe histórica do Carballiño co cine, pois a vila tivo unha das primeiras salas de proxección da provincia, e conta cun Cine Club que o próximo ano cumprirá o seu 50 aniversario e figura como un dos decanos de Galicia.
O cartel sairá á rúa a próxima semana, cando se presente o programa que, precisamente, por ser a edición número 35, terá algunas novedades con respecto ás edicións anteriores.
As XOCIVIGA 2018 celebraranse do 29 de xullo ao 2 de agosto no auditorio municipal Manuel María.
