Os centros educativos e asociacións do Carballiño participaron este mediodía nun acto contra a violencia de xénero, que tivo lugar no salón de plenos do concello coa asistencia do alcalde, integrantes da corporación, xefa da unidade de violencia de xénero da Subdelegación do Goberno, Policía Local e numeroso público.
Abriu o acto o alcalde, e a continuación intervIU a concelleira de Benestar Social, Igualdade e Sanidade, Marina Ortega, que diu lectura a un manifesto no que puxo de manifesto a necesidade de seguir loitando pola eliminación da violencia contra as mulleres.
No acto participou o profesorado e alumnado dos dous institutos, o nª 1 e o Chamoso Lamas; os colexios Sagrado Corazón e Vila do Arenteiro, así como Bo Día Familia e Asdifica. Aspadisi non puido participar nesta ocasión.
E o colofón o puxo a profesora de música e doctora en Musicoloxía pola Universidade de Salamanca, Almudena Mosquera, que interpretou un tema alusivo á efemérides.
VENRES 29 de Novembro
Este venres prosigue o programa organizado polo Centro de Información da Muller, cunha conferencia da presidenta da Fademur Galicia, Rosa Arcos, que falará sobre a violencia machista no rural. Será ás 19,30 h., no salón de plenos do concello.
