Diron comezo as obras de asfaltado de tres rúas na zona norte da parroquia de Arcos. Trátase do asfaltado en quente das rúas Pico Seco, Volante e Pena Grande.
O importe deste proxecto é de 100.000 euros, que se sufragan con fondos da Deputación Provincial de Ourense e do concello do Carballiño.
Nestas mesmas rúas executouse no ano 2018 un proxecto de renovación da rede de abastecemento, polo que este proxecto actual refírese á pavimentación con asfaltado en quente destas rúas.
Así mesmo, o departamento de obras do concello prosigue coa elaboración do proxecto para o acondicionamento das rúas Castelao, Cea e Piñor, tamén na parroquia de Arcos. O proxecto, que podería ascender a preto de 200.000 euros, licitarase en canto estea redactado.
Ademais, tamén está previsto realizar o acondicionamento das rúas Buenos Aires e Serra da Martiñá, que discorren parlelas á vía do tren, na zona dos Catro Camiños, e para o cal redactaranse os proxectos correspondentes en breve.
Así mesmo, este verán acondicionáronse seis rúas na zona de Arcos, que foron as rúas Bearíz, Maside, Leiro, Punxín, Boborás e San Amaro. O proxecto consistiu no asfaltado en quente, así como a renovación da rede de auga. O investimento foi de 119.000 euros, e sufragouse con fondos propios do concello.
Dentro do plan de mellora de infraestruturas no casco urbano e no rural do municipio do Carballiño rematouse hai unhas semanas o acondicionamento de oito rúas na zona residencial. Trátase das rúas Illas Baleares, Cataluña, Madrid, Extremadura, País Vasco, Navarra, A Rioxa e Aragón, que contan cun novo asfaltado en quente, beirarrúas nalgúns tramos, así como renovación da rede de auga e alcantarillado, tamén nalgúns tramos. O investimento foi de 112.000 euros, que son sufragados íntegramente con fondos do concello.
