O Coro Los Templarios de Castro Urdiales (Cantabria) será unha das agrupacións protagonistas da 26 edición do Festival de Habaneras, que organiza o Orfeón do Carballiño coa colaboración do concello e a Deputación provincial, e que se celebrará o sábado 3 de agosto no auditorio municipal Manuel María. As outras agrupacións participantes son a Rondalla Club de Campo de Ferrol, a Rondala Afaia de Cenlle e o propio Orfeón.
Asimesmo, o persoeiro homenaxeado nesta edición do festival será o catedrático de Anatomía da Universidade de Salamanca, José Ignacio Paz Bouza.
O evento foi presentado esta mañá nun acto ao que asistiron o concelleiro de Cultura Diego Fernández; o presidente do Orfeón, Emilio Rodríguez, e o director desta coral, Cristian Casas.
Diego Fernández resaltou a importancia deste festival dentro da programación cultural do Carballiño e diu os parabéns ao Orfeón por seguir mantendo ben alto o listón do certame e por levar o nome da vila por Galicia, España e o mundo adiante.
Emilio Rodríguez recordou que este festival era unha homenaxe aos emigrantes do Carballiño e da comarca, tal e como se concebiu desde a súa creación, e que estaban moi orgullosos da súa traxectoria coa actuación de máis de sesenta agrupacións de Galicia, España e doutros países.
Finalmente, Cristian Casas destacou a calidade do festival, citando en primeiro lugar ao Coro Los Templarios de Guadalajara, que é unha agrupación de 24 voces graves creada no ano 1985 e que conta con diversos premios e intervencións en programas de televisión, así como 2 CDs. Tamén destacou a Rondalla Club de Campo de Ferrol, con 44 compñentes, que posúe moitos primeiros premios e actuacións por toda España. A Rondalla Alfaia de Cenlle é unha das poucas da provincia de Ourense, e por iso merece ser convidada a este festival, según dixo Cristian Casas.
