OS FABULOSOS CLEANERS é un espectáculo con pompas de xabón para todos os públicos a partir de 6 anos. Unha fantástica experiencia visual para participar toda a familia, que estará este sábado, 22 de decembro, no auditorio municipal Manuel María, a partir das 18,00 h.
Trátase dunha producción da compañía Malasombra, na que é protagonista o actor e director teatral carballiñés Jouse García.
O autor alacantino Luis Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia, entre otros) dirixe a parte técnica deste espectáculo.
Dous operarios da limpeza do teatro, descubren por casualidade, as posibilidades que lles ofrecen as súas ferramentas de traballo combinadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas e burbullas.
O público sorprenderase e gozará con estas máxicas burbullas; pompas transparentes, con fume, con vapor, pequenas, grandes, estáticas ou voando polo escenario. O espectador camiñará da man destes personaxes por un mundo máxico, cheo de color e de moito, moito humor, e verase sorprendido dentro dun patio de butacas repleto de miles de pompas de xabón.
O prezo da entrada é de 3,50 euros, e advírtese que, por necesidade técnica da temperatura idónea para as pompas de xabón, non se poderá encender a calefacción do auditorio, polo que recoméndase ir abrigados.
ACTORES: Xoque Carbajal e Jouse García.
AUTORÍA: Luis Beviá e Xoque Carbajal.
DIRECCIÓN: Marcos Orsi e Xoque Carbajal.
Duración: 60 minutos.
