Oito comparsas e dúas charangas animarán o desfile do Entroido de Verán, que terá lugar este sábado, 13 de xullo, ás 21,00 h.
A partir das 19,00 h., haberá animación de rúa coas charangas Castro Vello e Doctor Anchoa.
No desfile estarán as comparsas Os Liborianos, Os Picapedra de Aspadisi, Os 100TOLOS, Fantasía Mundo Fénix de Partovia, Os Arrieiros de Dacón, Os Azucarados de Maside, a Asociación Cultural do Castro de San Amaro e as carrozas de Amoeiro, así como as charangas Castro Bello e Doctor Anchoa.
O percorrido será o seguinte: Praza da Veracruz, Curros Enríquez, Rotonda da Alameda, Avda. Xullo R. Soto, Centro Galego de Bos Aires, Tomás Mª Mosquera e Praza Maior.
Ás 23,30 h., a orquestra Grupo Limón animará a verbena na Praza Maior.
ENTROIDO INFANTIL
O Entroido de Verán comezará mañá, venres, ás 10,00 h., cun obradoiro de máscaras na Praza Maior, e a partir das 11,30 h., baile infantil de disfraces con animación do DJ Tibu.
Pola tarde e noite, venres de entroido nos locais de hostalería, con pinchos gratuitos para as persoas disfrazadas, e a partir das 23,00 h., baile de disfraces cunha espectacular disco-móbil e Dj na Praza Maior.
GRUPO TATTOO
Así mesmo, o Grupo Tattoo actuará o domingo, 14 de xullo, a partir das 21,00 h., na Praza Maior.
