O Camiño dos Arrieiros é a ubicación natural elexida pola Asociación de Veciños de Partovia para desenvolver este domingo, 9 de setembro, a IV Andaina e a I Andatrail. Son percorridos de 10 km e 12 km, respectivamente.
O evento foi presentado este mediodía polo concelleiro de Cultura, Diego Fernández; o presidente da asociación veciñal, Ernesto Blanco, e a tamén directiva Laura Vázquez.
A día de hoxe hai xa un centenar de persoas inscritas, pero o prazo de inscrición remata mañá, venres, ás 11,00 h., xa que os organizadores deben formalizar un seguro para as persoas participantes antes das 13,00 h. As inscricións poden efectuarse a través do Facebook da asociación ou de calquera dos integrantes da directiva da asociación, calculándose que se apuntarán varias ducias de persoas máis.
A saída da andaina está prevista para as 09,00 h., do domingo, dende a casa social da asociación de veciños.
Diego Fernández resaltou o dinamismo da asociación veciñal de Partovia, e a oportunidade que supón este percorrido por un dos lugares naturais máis destacados do municipio.
Ernesto Blanco dixo que o Camiño dos Arrieiros está en perfectas condicións e que a andaina vai permitir percorrer a maioría dos pobos da parroquia, incluso algún pouco coñecido. Así mesmo, destacou que a nova iniciativa de incorporar unha andainatrail facíase para posibilitar unha modalidade de andaina máis deportiva que a tradicional. Tamén dixo que ambas modalidades poderíanse facer en 2,50 e 3 horas, respectivamente, e que ía haber diversos puntos de avituallamento.
Finalmente, Laura Vázquez convidou á participación e agradeceu a colaboración de organismos e establecementos, como o concello do Carballiño, Cruz Vermella, Protección Civil, Eroski, Gadis, GRI e Grupo Pacholo, entre outros.
