O Sergas ven de comunicar que xurdiu un novo brote xuvenil por coronavirus no Carballiño, que afecta de momento a catro mozos, pero que se prosigue o rastreo por se poidese haber máis persoas afectadas.
Por isto, o concello pide a máxima responsabilidade aos veciños, e en especial á mocidade, para que se respeten escrupulosamente todas as medidas sanitarias de separación, uso da máscara e lavado frecuente de mans.
Así mesmo, comunícase que a Policía Local está alertada desta circunstancia, e que intensifica a vixilancia para colaborar coas autoridades sanitarias no control deste brote e na aplicación das medidas de prevención en todo o termo municipal.
