As actividades desenvolvidas no Carballiño durante toda a semana pasada, e que culminaron onte coa celebración da 56 Festa do Pulpo, congregaron no Carballiño ao redor de cen mil persoas. Así mesmo, durante estes días consumíronse máis de 60.000 kg de pulpo e xeráronse preto de 65 toneladas de lixo.
Dende primeiras horas desta mañá, os servizos de limpeza, brigada de medio ambiente e de obras están traballando arreo para limpar tanto o casco urbano como o parque municipal, que quedará prácticamente limpo no día de hoxe.
O concello do Carballiño agradece a colaboración prestada polas forzas de seguridade do Estado, así como pola Policía Local, Protección Civil, Cruz Vermella, Emerxencias e todos os departamentos municipais, que realizaron durante estes días, e onte dun xeito especial, un servizo extraordinario para que todo transcurrise da mellor maneira posible.
Tamén resultou exitosa a presencia de medios de comunicación, que diron ampla cubertura a través das televisións nacionais e autonómica, radios nacionais, autonómica, provinciais e locais, e de axencias, sendo probablemente unha das edicións de maior trascendencia mediática, coa presencia incluso dunha delegación de xornalistas chineses.
