As sesións serán no auditorio municipal Manuel María ás 20,00 en versión dobrada ao castelán, e as 22,30 en VOS.
Sorry we missed you é probablemente a mellor película de Ken Loach nos últimos anos. Premio a Mellor película europea no Festival de San Sebastián e Mellor guión adaptado nos Oscar 2018, narra as vicisitudes e dificultades dunha familia de clase traballadora para saír da pobreza provocada sobre todo pola crise de 2008. Coa colaboración do seu guionista habitual, Paul Laverty, é un retrato veraz e emocionante que atrapa a vida e a realidade con vocación de denuncia, sen perder unha mirada que destila amor polos seus personaxes.
Duración: 101 minutos
Ano: 2019
País: Reino Unido
Sinopse
Ricky e a súa familia estiveron pelexando por saír adiante economicamente dende a crise de 2008. Un día preséntase unha nova oportunidade cando aparece unha refulxente furgoneta antiga ofrecendo á familia a posibilidade de crear o seu propio negocio.
Porén, a tarefa non será doada, especialmente debido ao traballo da súa muller coma coidadora. Aínda que os lazos da familia son fortes, pronto aparecerán as primeiras crebas.
Ficha técnica
Director: Ken Loach
Produción: Rebecca O’Brien
Montaxe: Jonathan Morris
Música: George Fenton
Guión: Paul Laverty
Reparto
Kris Hitchen, Debbie Honeywood, Rhys Stone, Katie Proctor
Premios
Festival de San Sebastián 2019: Premio do Público – Mellor Filme europeo
Premios Oscar 2018: Mellor Guión Adaptado
