Seis centros sociais do rural carballiñés albergarán nas próximas semanas o programa de risoterapia dirixido ás persoas maiores “RISAPLUS”, que ten por obxectivo axudar ao envellecemento en positivo.
En concreto, as sesións programadas son: Seoane, o luns 1 de aril; Mesego, o luns, 8 de abril; Señorín, o luns, 15 de abril; Madarnás, o mércores, 17 de abril; Partovia, o xoves, 18 de abril, e Arcos, o luns 22 de abril. En todos os casos, o horario da actividade será de 16,00 a 17,30 h.
Risaplus, que leva por lema “Envellecendo en Ourense, envellecendo en positivo”, desenvolve diversas técnicas terapéuticas como xogo imitativo, xogo participativo, xogo expresivo, xogos musicais, relaxación da risa, ioga da risa e respiración da risa, entre outras.
