O arqueólogo Jorge Lamas, que dirixiu a limpeza das pontes medievais do Carballiño e do Ribeiro, guiará unha ruta cultural que terá lugar este domingo entre a a Ponte de Veiga e o Museo Etnográfico do Arenteiro, incluida a Fábrica do Papel.
A andaina, que está organizada pola área de Cultura do concello do Carballiño dentro da programación de Semana Santa, en colaboración co Centro de Estudios Chamoso Lamas, comezará ás 11,00 h., na Ponte de Veiga, que é o punto de encontro, e rematará sobre as 13,30 h. no Museo Etnográfico do Arenteiro.
Trátase dun percorrido duns 3,5 kilómetros, para o que non é preciso apuntarse, senón acudir á hora e ao punto de encontro sinalados.
O obxectivo desta andaina é poñer en valor aqueles aspectos máis salientables referidos ao patrimonio histórico e cultural do Carballiño, como son, neste caso, a ponte e o tramo do camiño medieval de Veiga, a arqueoloxía industrial do século XIX da fábrica do papel da Labandeira e os muíños do Museo Etnográfico do Arenteiro.
