O Carballiño, 11 de xaneiro de 2018.- A débeda do concello do Carballiño atópase actualmente en mínimos históricos tras pasar de 3.237.281 euros, que había no ano 2014, a 617.133 euros, que é a previsión para o peche das contas do ano 2018. Isto supón que nestes últimos catro anos (2015, 2016, 2017 e 2018) teríanse amortizado un total de 2.620.174,94 euros.
Polo tanto, pode dicirse que as contas do concello están prácticamente saneadas tras tres anos e medios de goberno municipal dirixido por Francisco Fumega, nos que se conseguiu saír do Plan de Axuste imposto no ano 2012, e rebaixar a débeda dun xeito considerable.
A evolución da débeda neste período é a seguinte:
DÉBEDA VIVA
2014 2015 2016 2017 2018(*)
3.237.281,31€ 2.935.132,33€ 2.526.963,23€ 1.635.358,09€ 617.133,37€
VARIACIÓN ANUAL
302.148,98€ 408.169,10€ 891.605,14€ 1.018.224,72€
(*) O dato de 2018 é a previsión, pois cómpre pechar as contas do exercicio deste ano para ter a confirmación de que é o real.
