O alumnado e profesorado do Conservatorio Profesional e da Escola Municipal de Música, celebrarán como todos os anos a festividade da súa patrona, Santa Cecilia, cunha audición que terá lugar este xoves, 21 de novembro, ás 20,00 h., no auditorio municipal Manuel Maria.
Na audición, que será de entrada libre e gratuita, haberá demostracións de pezas musicais con variedade de instrumentos: vento, metal, percusión, corda…; e diversos tipos de formacións.
Dende a dirección destes centros covídase a todos os veciños e veciñas que o desexen a asistir a este evento, no que se ofrecerá unha mostra do talento artístico do alumnado e profesorado.
