O concello do Carballiño ven de publicar un bando no que se comunica a apertura do prazo para solicitar licenzas para a instalación de mesas, cadeiras, tarimas e outros elementos análogos en espazos de dominio público para a tempada anual 2020.
Este prazo, que se establece tanto para a renovación como para primeira autorización, será dende o 1 ao 20 de decembro de 2019.
O período de ocupación para o exercicio 2020 na tempada anual é dende o 1 de xaneiro ao 31 de decembro de 2020.
Os modelos de solicitudes poden recollerse no departamento de Servizos Públicos, no Rexistro xeral do Concello ou ben descargarse da páxina web do concello (www.carballino.gal) dentro do portal de transparencia/normativa/ordenanzas e regulamentos.
A documentación a achegar xunto coa solicitude será a recollida no artigo 27 da citada ordenanza, e presentarase no Rexistro xeral do Concello e demais formas previstas na lei 39/2015, de 1 de outubro, do Procedemento Administrativo Común das Administracións Públicas.
No Carballiño hai arredor de cen locais hostaleiros, dos cales o 60% solen solicitar a instalación de terrazas durante a primavera e o verán, mentres que o 40% restante as solicitan durante todo o ano. Así mesmo, na tempada estacional, o número de mesas que se solicitan é algo máis de 350.
