O humorista e presentador Miguel Lago pechará este domingo no auditorio municipal do Carballiño a cuarta tempada de monólogos “Carballiño Comedy”, que se veu desenvolvendo todos os meses desde decembro, coa excepción de febreiro, na que se suspendeu a actuación de “El Monaguillo”, e que ainda se está á espera de nova data.
Miguel Lago é un actor e cómico galego cunha longa traxectoria en series, teatro e televisión. Podemos disfrutar do seu humor en programas de televisión como “Todo es Mentira” (Cuatro), tamén na radio, actualmente no programa de Onda Cero “Surtido de Ibéricos”, así como na Cadena Ser e M80.
“Miguel Lago Pone Orden” é o título do show que traerá este domingo ao Carballiño, e que colleitou numerosos éxitos por toda España e no Teatro Reina Victoria de Madrid.
A función comezará ás 20,00 h., e as entradas poden adquirirse anticipadamente por 10 euros no restaurante Comonacasa e online en woutick.es, ou na taquilla desde media hora antes do comezo ao prezo de 12 euros.
