15 operarios do servizo municipal de limpeza e medioambiente intensifican estes días a limpeza e baldeo das rúas e prazas da vila tras o remate das festas patronais. Este traballo intensivo levarase a cabo ata mañá, especialmente naqueles lugares que estiveron ocupados polas atraccións e nos que se desenvolveron actividades festivas, entre eles, a Praza Maior, Alameda, Praza do Emigrante, Praza da Veracruz, rotonda da Alameda, Conde Vallellano e rúa do Paseo.
Este servizo municipal desenvolveu durante estas festas un traballo encomiable, sobre todo pola afluencia masiva durante a fin de semana pasada coa celebración da feira e os días álxidos das festexos, o sábado, domingo e luns, que supuxeron para os traballadores e traballadoras do servizo un esforzo engadido.
E por iso agora intensificase a limpeza e baldeo dos lugares máis afectados co obxectivo de recuperar canto antes a normalidade e a planificación habitual deste servizo municipal que dirixe a concelleira Érika Paz.
