Dentro das actividades para celebrar o Día Internacional das Mulleres, o 8 de marzo, dende o Servizo de Normalización Lingüística, e dentro do programa APEGO, terá lugar un obradoiro de contacontos ilustrado baixo o título Ernestina Otero, semente de igualdade, semente de liberdade. Está recomendado para nenas e nenos de 3, 4 e 5 anos de idade e familias . Terá lugar o domingo 15 de marzo no salón de plenos do concello. As prazas son limitadas e para asistir deberán anotarse no Servizo de Normalización Lingüística.
Ademais repartiranse nos centros educativos da vila uns lotes de libros da colección Mulleres galegas que Polo Correo do Vento creou como homenaxe a distintas mulleres que destacaron ao longo da historia, deste xeito o profesorado dos centro poderanlle contar, aso máis pequenos, como todas estas mulleres loitaron pola igualdade
Concretamente son os seguintes títulos:
- Un Ronsel de Ardora, pequena biografía de Ángeles Alvariño (científica galega de recoñecemento internacional. Estudosa do mundo do mar, o zooplancton e o respecto polo medio ambiente)
- Meiga nova, metade anxo metade marisco pequena biografía de Maruja Mallo (pintora galega de recoñecemento internacional que transmitiu o gusto pola arte, a lectura e a educación democrática)
- Unha historia de amor, pequena biografía de Mª Victoria Moreno (profesora e escritora que transmitiu o amor pola lingua galega, o gusto por aprender cousas novas e a igualdade)
- Semente de igualdade, semente de liberdade, pequena biografía de Ernestina Otero (mestra e pedagoga, un exemplo a seguir no eido da educación e da igualdade)
5.O valor das ideas: a precursora do libro electrónico, pequena biografía de Ángela Ruiz Robles (mestra e inventora, loitadora pola igualdade).
