Nesta edición da iniciativa internacional “Pon unha foto na rúa”, a asociación O´Potiños tomará como decorado para realizar fotografías das persoas que o desexen a fachada do concello. Poderán ser individuais, de parellas ou en grupo, pero o fondo será a casa consistorial carballiñesa.
Así o expresaba esta mañá o presidente da asociación, Manuel Blanco, durante o acto de presentación deste evento que terá lugar o domingo na Praza Maior, e para o que se invita aos veciños a traer as súas fotos e expoñelas nunhos paneis que haberá nos soportáis.
O concelleiro de Cultura, Diego Fernández, destacou unha vez máis o inxente traballo que realiza este colectivo cultural a prol da fotografía no Carballiño, e que está contribuindo a que cada día haxa maior afección a esta actividade na vila.
Desde as 10 da mañá do domingo, 2 de xuño, e ata as 8 da tarde, os fotógrafos e fotógrafas de O´Potiños realizarán imaxes das persoas que o desexen, e cuxa selección dun centenar se exporán durante o verán na rúa do Paseo. Unha vez rematada a exposición se lles regalarán ás persoas, parellas e grupos que fixeron de modelos.
Na presentación, ademáis de Manuel Blanco e Diego Fernández, tamén
