O presidente do Centro Partido do Carballiño en Bos Aires, Emilio Nogueira, recibiu este domingo no Centro Partido do Carballiño en Bos Aires ás autoridades que asisten esta semana aos actos de conmemoración do centenario do centro. Foi a primeira visita das tres previstas para celebrar esta efeméride.
Ao acto asistiron, entre outros, o presidente da Deputación, José Manuel Baltar; o alcalde do Carballiño, Francisco Fumega, así como os alcaldes de Cea e San Amaro, e outros da provincia, ademáis do teniente alcalde do concello do Carballiño, José Manuel Dacal, e o portavoz do Grupo Popular, Argimiro Marnotes. O portavoz do BNG incorpórase á delegación carballiñesa este martes.
Na salutación, o alcalde do Carballiño referiuse á importancia histórica da emigración carballiñesa a Bos Aires, destacando a contribución realizada polos emigrantes para construir escolas como a de Banga ou culminar monumentos como o dos Irmás Prieto Pereira no parque municipal.
Haberá tres actos máis que terán lugar o xoves, sábado e domingo, día no que se celebrará a Festa do Centenario, e na que o concello do Carballiño ofrecerá unha degustación de pulpo.
A delegación carballiñesa aproveitará a estancia na capital bonaerense para manter diversos contactos con colectivos de emigrantes e realizar unha visita á planta da empresa de aeroxeradores GRI.
