A concellería de Medio Ambiente continúa co programa de limpeza e lavado das prazas e beirarrúas do casco urbano, e está previsto continuar a próxima semana na zona dos Catro Camiños.
Na primeira fase do programa actuouse nas beirarrúas do entorno da Veracruz, incluida a rúa Evaristo Vaamonde, así como na rúa Carreira, na Praza Maior, Praza da Constitución, Praza Emilia Pardo Bazán e Juan Corral Pajariño.
Estes días estase realizando a limpeza e lavado de beirarrúas na Avenida do Balneario, e noutras rúas da zona.
E a semana próxima prevese que se poida efectuar a limpeza e lavado de beirarrúas na zona dos Catro Camiños.
