Seis grandes orquestras (París de Noia, Los Satélites, La Fórmula, Nevada. Ibiza e Principal); dous concertos (The Real Story Dire Straits –Tributo a Dire Straits, e Los Mecánicos – Tributo á música pop dos 60-70-80); tres bandas de música (Coribantes, A Lira co Orfeón do Carballiño, e a Banda Escola de Música do Carballiño); dúas charangas (Dr. Anchoa e Castro Vello), así como unha sesión de fogo e diversas actividades infantís e deportivas, conforman o programa festivo do San Cibrao 2018, que se desenvolverá do 14 ao 19 de setembro.
Ademáis das orquestras e bandas, cobra especial relevancia o concerto tributo a Dire Straits por unha das bandas que interpretan mellor a excelente música de Mark Knopfler: The Real Story Dire Straits.
Como preámbulo, os días 6, 7 e 8 de setembro terá lugar unha nova edición da Feira-Festa de Artesanía da Pepa Loba.
O cartel e o programa foron presentados hoxe nun acto ao que asistiron o alcalde, Francisco Fumega; os concelleiros de Turismo e Cultura, Manuel Dacal e Diego Fernández, respectivamente, e o deseñador do cartel, J.L. Diz, así como o presidente da comisión de festas.
