Un bando municipal lembra aos propietarios de parcelas próximas a vivendas e bens da obrigatoriedade de mantelas limpas en previsión de posibles incendios forestais.
Neste bando, “lémbraselle aos propietarios de ditas parcelas Lei 3/2007, de 9 de abril, de prevención e defensa contra os incendios forestais de Galicia, modificada pola Lei 7/2012, de 28 de xuño, de montes de Galicia que establece no artigo 21.1, que as persoas das redes secundarias de franxas xestión de biomasa vexetal teñen a obrigatoriedade de xestionalas nunha franxa de 50 metros perimetral o chan urbano, de núcleo rural e urbanizable delimitado, así como arredor das edificacións, vivendas illadas e urbanizacións, depósitos de lixo, parques e instalacións industriais, situadas a menos de 400 metros do monte.
Nos primeiros 15 metros non poderán existir repoboacións forestais de ningún tipo. Establece que dos 15 aos 50 metros non poderá haber árbores das especies sinaladas na disposición adicional terceira da presente lei. Así mesmo, no caso de campings, gasolineras e industrias nas que se desenvolven actividades perigosas, as distancias sinaladas para esta disposición serán de 50 metros dende o límite das instalacións.
As especies sinaladas na disposición adicional terceira, como de alto risco de incendio son plantas de porte arbóreo como coníferas e eucaliptos, aínda que tamén arbustos e plantas herbáceas como mimosas, fentos, xestas, carqueixas, silvas, toxos e outros”.
No bando tamén se menciona o artigo 22, que di “que a xestión da biomasa deberá ser executada antes do 31 de maio de cada ano.
Polo tanto é de obriga a limpeza das devenditas parcelas, e no caso de non cumprila, o concello realizará subsidiariamente os traballos de limpeza. O custo da actuación recaerá nos titulares segundo as taxas, infraccións e sancións da ordenanza municipal”.
CHARLA NO SALÓN DE PLENOS
Precisamente, este xoves, 10 de maio, terá lugar no salón de plenos do concello, ás 20,00 h., unha charla-coloquio cun técnico forestal, para explicar as novas medidas sobre a xestión dos montes e prevención de incendios forestais.
Esta acto, organizado pola concellería de Medio Rural, vai dirixida ao público en xeral, pero especialmente aos veciños e veciñas das parroquias así como ás comunidades de montes.
