Un gran espectáculo musical con “El tributo del Rey León”, comezará o programa de eventos culturais no auditorio municipal deste mes de abril, no que tamén cobran protagonismo unha obra de teatro para bebés, un novo monólogo do ciclo “Carballiño Comedy3” e a banda Os Coribantes.
“DE SIMBA A KIARA. EL TRIBUTO DEL REY LEÓN”, estará no auditorio este sábado, 7 de abril, en dúas funcións. A primeira, ás 17,00 h., xa ten cuberto todo o aforo, polo que só quedan algunas localidades para a segunda, que será ás 19,00 h.
O sábado, 14 de abril, haberá por primeira vez no Carballiño unha obra de teatro específica para bebés. Será a representación de A ALFOMBRA MÁXICA, pola compañía BABALUVA S.L. Haberá dous pases: ás 17,00 e 18,00 h. Poderán asistir nenos e nenas de ata 3 anos cos seus acompañantes. O número de localidades está limitado a 25 bebés máis os seus acompañantes por cada sesión.
O humorista JOSÉ CORBACHO, dentro de ciclo de monólogos “Carballiño Comedy 3”, estará no auditorio o sábado, 25 de abril, ás 21,00 h.
E o sábado 28 de abril terá lugar un concerto da banda OS CORIBANTES, cuxo horario anunciarase nas próximas semanas.
