Unha vintena de curtametraxes competirán polos dous premios principais e un accésit establecidos para o concurso CURTASoPRIMA, que se enmarca dentro do programa das Xociviga 2018. Trátase dunha gran participación dentro deste concurso, que acada este ano a súa terceira edición.
A organización do festival quere amosar o seu agradecemento aos novos realizadores e realizadoras que se inscribiron e remitiron as súas curtametraxes a esta sección das Xociviga, destacando a gran calidade da maioría dos traballos.
Nos próximos días darase a coñecer a composición do xurado que fallará estes premios, así como a data de proxección das curtametraxes seleccionadas e da entrega de galardóns no decurso das Xociviga 2018, que terán lugar do 29 de xullo ao 2 de agosto no auditorio municipal Manuel María.
