A Biblioteca Pública Municipal celebrará este venres o Día Internacional do Libro cunha actividade dirixida a nenos e nenas de 6 a 11 anos. Trátase dun obradoiro que, baixo o título de “O meu primeiro libro”, promove que os participantes crean, debuxan e len a súa primeira obra.
Este obradoiro terá lugar este venres, 21 de abril, de 18,00 h., a 19,30 h., na sala infantil e xuvenil da biblioteca.
Bo Día Familia
Por outra parte, os nenos e nenas de Bo Día Familia tamén estiveron esta semana na sala infantil da biblioteca realizando un obradoiro de manualidades.
