A concellería de Benestar Social, Igualdade e Sanidade pon en marcha, en colaboración coa Xunta, un programa de axudas ás familias con menores ao seu cargo para poder pagar os medicamentos destes menores. En total, destínanse 11.000 euros, dos cales 2.000 euros os aporta o concello e os 9.000 euros restantes, a Xunta.
O programa consiste na xestión de axudas económicas ao cofinanciamento do 40% dos medicamentos financiados polo Sistema nacional de saúde e prescritos a través de receita ás familias con menores a cargo que atravesen dificultades económicas e que estean empadroadas no Concello do Carballiño.
As familias non deberán superar os limiares de ingresos a que se refire o artigo 12d) da lei 1072013, do 27 de novembro , de inclusión social de Galicia, e que teñan menores de 16 anos o seu cargo.
A axuda será de 120 euros por cada membro da unidade de convivencia.
Para máis información, dirixirse a área de Servizos Sociais do concello do Carballiño.
