A Área de Igualdade, da concellería de Benestar Social, Sanidade e Igualdade do concello do Carballiño, convoca o VI Concurso Fotográfico, que nesta edición leva por lema “Unha mirada de xénero: A muller e o liderato”. O concurso conta coa colaboración da asociación fotográfica O Potiños e do Centro Comercial Aberto.
Establécense tres premios cunha cuantía total de 600 euros. O primeiro premio recibirá 300 euros do concello, mentres que o segundo e terceiro premio recibirán dous vales de compra por valor de 200 e 100 euros, respectivamente, do Centro Comercial Aberto.
Asemade, seleccionaranse vinte fotografías que serán expostas nos locais comerciais da vila e no concello.
Entre os requisitos que se esixen para presentarse figuran que os traballos deben estar realizados por persoas afeccionadas á fotografía, descartándose profesionais e membros do xurado; as fotografías deben presentarse exclusivamente en formato dixital, ben en b/n ou cor, e non se admitirán montaxes; os traballos deben ser inéditos e non terse presentado nin seleccionado noutros concursos fotográficos; finalmente, cada participante poderá presentar un máximo de 3 fotografías.
As fotografías deben enviarse exclusivamente on-line (a través do correo electrónico cim@carballino.gal ), en arquitos JPG con resolución 2.400 pixels no seu lado maior (Non superando as cinco megas). Admítense fotos apaisadas e de formato cadrado. Non se admiten fotografías con marcas de auga, sinaturas, marcos, nin pés de foto.
A data límite para a presentación de fotografías será o martes, 28 de febreiro de 2017. E os premios entregaranse nun acto que se celebrará no concello, ás 12,00 h., do mércores 8 de marzo.
As bases están dispoñibles no Taboleiro de Anuncios PDF
