A concellería de Medio Ambiente rematou o acondicionamento da entrada do parque municipal. As melloras realizáronse nas zonas axardinadas, no peche da explanada, nas árbores e no mobiliario. A concelleira Érika Paz asegura que para este labor contouse cun informe técnico sobre deficiencias dalgunhas especies de arbustos e setos, que invadían espazos que non lle son propios; sobre a situación das árbores máis altas, que tiñan parásitos nas copas e que as raíces xa non se extendían polo chan. De aí que levase a cabo unha poda radical pero necesaria. Tamén se elevou a valla de peche da explanada para evitar a entrada dos xabaríns, que tiñan a zona de césped completamente destrozada. E, finalmente, o cambio das papeleiras e arranxo dos bancos.
O obxectivo é que a entrada do parque estea nas mellores condicións de cara ao verán e durante os eventos que se desenvolven no parque municipal durante este tempo.
