A Consellería de Política Territorial acondiciona unha pista de acceso dende a Esgueva (parroquia de Madarnás) á estrada O Carballiño-Lalín, tras solicitalo o concello do Carballiño o pasado mes de marzo por iniciativa da concellería de Medio Rural.
Cando se realizou un novo pintado nesta estrada OU 902 (Lalín –(N-525)– Límite provincia O Carballiño (N-541), á altura da Esgueva, provocouse un empeoramento nas condicións de acceso ao citado lugar, tendo que usar unha pista de terra que no inverno dificulta o tránsito debido ao barro que se ocasiona e ás numerosas fochas que se forman, ademáis de producir inseguridade e danos nos vehículos ao tomaren a subida para incorporarse a esta estrada. E por isto, dende o concello se solicitou o acondionamento da mesma, que ainda se está executando.
