A mostra de arte “22 anos ollando estas terras”, que organiza o Centro de Estudios Chamoso Lamas en colaboración co concello do Carballiño, xa pode visitarse dende esta tarde na sala de exposicións do auditorio municipal Manuel María.
Na exposición, que estará aberta ata o 15 de xaneiro, amósanse mais de medio cento de pinturas, esculturas e instalacións dunha trintena de artistas das comarcas do Carballiño e O Ribeiro. Os horarios de visitas son de 18,00 a 21,00 h., de luns a venres, e de 11,00 a 13,00 h., os sábados, domingos e festivos.
O acto inaugural tivo lugar na tarde de onte con asitencia do alcalde, Francisco Fumega; o concelleiro de Cultura, Diego Fernández; o presidente do Centro de Estudios Chamoso Lamas, Xosé Luis Sobrado; o comisario da exposición Óscar Gofre, así como artistas participantes e público en xeral.
