Dez clientas e clientes da praza de abastos resultaron afortunados no sorteo celebrado o venres para conmemorar o Día da Nai. Os premios recaeron en Alicia (unha cafetera), Rosa Alonso e Josefa Montero (unha pulsera de actividade deportiva cada unha), Charo López e Gerardo Ogando (un reloxo cada un), Cándida ( un secador), Mª González (unha plancha de pelo), Mª Fumega (un teléfono móbil), Carmen González (unha plancha de asar) e Andrés García (unha caixa de viño Pazo Tizón).
O sorteo celebrouse nun acto ao que asistiron o alcalde, Francisco Fumega; o concelleiro de Cultura, Diego Fernández; o presidente da asociación de praceiros, Eligio González; catro nenas estudiantes, praceiras e praceiros.
Francisco Fumega felicitou aos praceiros polo éxito desta campaña, que acadou unha gran participación e o obxectivo de incentivar as vendas, e destacou dun xeito especial o traballo da asociación presidida por Eligio González.
Eligio González non dubidou en cualificar o día como excepcional e extraordinario, pois en tan só vinte días as clientas e clientes depositaron máis de 6.000 papeletas, o que era un auténtico récord. Por iso agradeceu a confianza depositada na praza de abastos, resaltando ademáis a celebración do 90 aniversario da súa creación. E finalizou dicindo que O Carballiño era un pobo dinámico, con moitas actividades que impulsan o comercio e a hostalería, e que a praza de abastos tamén contribúe a esta dinamización da vida na vila.
