A subcampiona do mundo de salto, Marina Oliveras, será unha das deportistas protagonistas da proba do primeiro Campionato Galego de Patinaxe Freestyle, que se celebrará este próximo mércores, 17 de maio, no pavillón de deportes Paco Chao do Carballiño. Así o asegurou Uxío Álvarez, do Club de Patinaxe AEHDE, durante a presentación deste evento na que estivo ademáis o concelleiro de Deportes, José Manuel Dacal. Tamén anunciou a presencia de varias campionas nacionais en diferentes modalidades, e un total de trinta e cinco participantes de equipos de patinaxe de toda Galicia.
De aí que Uxío Álvarez dixese que o club AEHDE figure na vangarda do patinaxe, gracias á Federación e ao concello do Carballiño. E adiantou que se organizarán no Carballiño tres copas, nas modalidades de velocidade, hockey e patinaxe artística, e que se estaba traballando para traer ao Carballiño unha proba do Campionato de España o próximo ano, cousa que é moi probable que se consiga.
Pola súa parte, José Manuel Dacal agradeceu ao club AEHDE e a Uxío Álvarez o esforzo que estaban realizando para poñer no mapa galego e nacional do patinaxe ao Carballiño, coa organización de grandes eventos que, coma este, traían moita xente á vila e promovían a práctica deste deporte entre a mocidade.
A proba, que organiza o club AEHDE en colaboración co Concello do Carballiño, e que se disputará nas cinco modalidades de patinaxe freestyle, comezará ás 10 da mañá no pavillón Paco Chao.
