Ábrese o prazo de inscrición de 8 voluntarios/as para colaborar en actividades de cultura e turismo durante os meses de xullo e agosto. A convocatoria vai dirixida ás persoas comprendidas entre os 16 e os 30 anos, pero as de 16 anos precisarán autorización dos pais. Ao remate do período de voluntariado, entregarase un diploma da Xunta acreditativo de 360 horas.
Entre os obxectivos deste programa de voluntariado, denominado “O Carballiño, cruce de camiños”, figuran: despertar na xente nova o interés por coñecer o lugar no que se vive; informar sobre a historia, a cultura e as riquezas do noso pobo; impulsar o turismo a través de actividades coa colaboración dos voluntarios e promocionar lugares e tradicións propias da nosa localidade.
Así mesmo, está previsto desenvolver actividades como xornadas de formación turìstica por persoal especializado, elaboración de rutas guiadas, información turística e acompañamento de grupos.
A inscrición debe realizarse na Área de Xuventude e Voluntariado, na terceira pranta do concello, onde tamén se facilitará canta información se precise ao respecto.
