Arredor de 220 deportistas de 6 clubes e 19 equipos, participarán este domingo, 28 de maio, na 35ª Copa Deputación de Balonmán Base. Os partidos xogaranse tanto nas dúas canchas do pavillón de deportes Paco Chao como na Pista Bermella, en horario de 10,00 a 14,00 h.
O evento foi presentado este mediodía nun acto ao que asistiron o concelleiro de Deportes, José Manuel Dacal; o asesor de Deportes da Deputación, Bernardino González; o vicepresidente da Federación Galega de Balonmán, José Manuel Pérez, e o presidente da Asociación Club Balonmán Carballiño, José Castro, entre outros.
Dacal agradeceu a colaboración da Deputación, así como da Federación de Balonmán e do club carballiñés, e fixo fincapé na participación de equipos e deportistas, que supoñía unha afluencia importante para O Carballiño.
Bernardino González destacou o apoio da Deputación ao achegamento do deporte a todos os concellos da provincia, sinalando que se trataba dunha competición moi atractiva.
José Manuel Pérez expresou o desexo de que este tipo de competición contribúa a promover a práctica do balonmán, e asegurou que os equipos finalistas que ían competir pertenecen a todas as categorías base (prebenxamín, benxamín, alevín, infantil, cadete e xuvenil), e que en infantil e cadete había equipos masculinos e femininos. As idades dos deportistas van dos 6-7 anos aos 17. Os equipos participantes son: C.B. Ribadavia, C.B. Ribeiro, C.B. Pavillón de Ourense, C.B. Campus Ourense e A.C.B. Carballiño. Ademáis, haberá un equipo invitado, que é o C.B. A Cañiza.
Finalmente, José Castro, presidente do C.B. Carballiño, organizador do evento, agradeceu a colaboración institucional e da Federación, sen cuxa axuda non se podería levar a cabo a competición, xa que o club carballiñés non dispón de recursos. Así mesmo, abogou porque este deporte acabe sendo un máis da vila carballiñesa e por iso habería encontros tanto na pavillón como na “pista bermella”. O club carballiñés, creado hai tres anos, compite con equipos base nas categorías prebenxamín, banxamín e alevín.
