Durante esta semana, as rapazas e rapaces que participan no servizo de conciliación municipal, Bo Día Familia, mergulláronse de cheo na celebración do Samaín. Elaboraron as súas propias caretas, disfrazáronse e converteron o local de Bo Día Familia nun espazo aterrador.
Neste servizo participan os rapaces e rapazas de 3 a 12 anos máis madrugadores da vila, no tempo previo ao comezo da xornada escolar. Ademais de actividades de ocio e de apoio na realización das tarefas escolares, neste programa acostúmase a facer partícipes aos cativos das festas e celebracións que teñen lugar na vila.
Neste curso escolar son 60 as rapazas e os rapaces participantes.
Este servizo conta coa subvención da concellería de Servizos Sociais, da Xunta de Galicia e da Deputación Provincial.
